ئەنجامی کۆتایی هەڵبژاردنی نوێنەرانی کۆنگرەی بزوتنەوەی گۆڕان لە
فینله‌ندا
سه‌باح عه‌باس عه‌لی
سیروان سابیر مه‌حه‌مه‌د
ئەنجامی کۆتایی هەڵبژاردنەکانی ئەنجومەنی وڵاتی فینله‌ندا
keskiviikko 20. helmikuuta 2013
keskiviikko 23. tammikuuta 2013
راگەیاندنی قۆناغی یەکەمی هەڵبژاردنی ئەنجومەنەکانی بزوتنەوەی گۆڕان لە هەندەران
پاش تەواوکردنی پرۆسەی ئامادەسازی و ئامادەکردنی تۆماری هەڵسوڕاوانی بزوتنەوەی گۆڕان بە سەرکەوتویی لە هەندەران و بڵاوکردنەوەی رێنمایی بنەڕەتی ژمارە (4) بۆ هەڵبژاردنی ئەندامانی (دەستەی بەڕێوەبەر)ی ئەنجومەنەکانی بزوتنەوەی گۆڕان لە هەندەران، ژوری هەڵبژاردن ئاگاداری سەرجەم هەڵسوڕاوانی بزوتنەوەی گۆڕان دەکات بەوشێوەیەی لە بڕگەی چوارەمی مادەی یانزەیەمی رێنمایی بنەڕەتی ژمارە (4)دا هاتوە، هەڵبژاردنی دەستەی بەڕێوەبەری ئەنجومەنی وڵات بە دو قۆناغ ئەنجام ئەدرێ:
قۆناغی یەکەم: هەڵبژاردنی دەستەی بەڕێوەبەری بازنەکان.
قۆناغی دوەم: هەڵبژاردنی دەستەی بەڕێوەبەری ئەنجومەنی وڵات.
قۆناغی یەکەمی پرۆسەی هەڵبژاردنەکە بەمشێوەیە دەبێ:
1-لە رۆژانی (24/1/2013 - 31/1/2013) وادەی خۆکاندیدکردن کراوە دەبێ
2- رۆژی (1/2/2013 – 3/2/2013) وادەی دەنگدانە بۆ هەڵبژاردنی دەستەی بەڕێوەبەری بازنەکان.
بۆ وەرگرتنی زانیاری سەبارەت بە قۆناغ‌و شێوازی خۆکاندیدکردن‌و دەنگدان، سەردانی ماڵپەڕی ژوری هەڵبژاردن تایبەت بە دەنگدان بکەن بەم ئەدرێسە: (www.helbijardin.com)
بەو هیوایەی لە رێگەی زۆرترین بەشداریەوە هەڵبژاردنێکی سەرکەوتو پێشکەش بکەن.
ژوری هەڵبژاردنی گۆڕان
22ی
tiistai 22. tammikuuta 2013
پەیامی نەوشیروان مستەفا؛ بۆ هەڵسوڕاوان و دۆستانی بزوتنەوەی گۆڕان لە هەندەران
...هاوڕێیان
هەڵسوڕاوان و دۆستانی بزوتنەوەی گۆڕان لە دەرەوەی نیشتمان
هەڵسوڕاوان و دۆستانی بزوتنەوەی گۆڕان لە دەرەوەی نیشتمان
خوشکان و برایانی بەڕێزی رەوەندی کوردی لەسەرجەم وڵات و کیشوەرەکانی جیهان
...سڵاوتان لێ بێ و ئەم کاتەتان شاد
ئێوە، وەک رەوەندی کوردستانیانی تاراوگەو هەندەران، سامانێکی مرۆیی گەورەن کە ئایندەی هەرێمی کوردستان، لە زۆر جومگەدا، بەندە بە هۆشیاریی سیاسی و کۆمەڵایەتی و رۆشنبیریتانەوە
لە چەند ساڵی رابردودا هۆشیاریی و ئازایەتی ئێوە، شانبەشانی بوێری و خۆڕاگری هاوڕێکانتان لە ناوخۆی هەرێم، تین و گوڕێکی گەورەی بەخشییە خەباتی دیموکراتی و شارستانی گەلی کوردستان
بە حوكمی ئازادیی و سەربەخۆیی ئابوریی زۆربەتان، لە وڵاتگەلێكدا كە مافە سەرەتاییەكانی مرۆڤی دابینكردوە، توانیوتانە زۆرترین جەماوەر و دۆست لە دەوری بزوتنەوی گۆڕان و چالاكیەكانی ئۆپۆزسیۆن كۆبكەنەوە، دەسەڵاتدارانی هەرێم نەیانتوانیوە بتانخه‌نە ژێر ئەو گۆشارە سیاسییەی كە زۆرجار لە ناوخۆدا دژی هاوڵاتیان، بۆ كڕینی وەلا و دەنگ و بێدەنگكردنیان، پێڕەویانكردوە. بەوەش ئەو راستیەتان سەلماندەوە كە ئاشنابونی هاوڵاتیان بە ماف و ئازادیەكانیان لەناوخۆدا، زامنی گەشەی دیموكراتی و ئابوری و شارستانییە، زامنی كۆتاییهێنانە بە خراپ بەكارهێنانی دەسەڵات لە هەرێمدا، ئەو ئامانجە گرنگەی كە هەرگیز دەسبەرداری نابین و بە شاڕێی ئازادیی نیشتمانیشی دەبینین.
وەك ئاگادارن لەماوەی پێشودا هاوڕێكانتان لە ناوخۆی هەرێم زنجیرەیەك هەڵبژاردنی رێكخراوەییان، لەسەر ئاستی بازنە و رایەڵە و ئەنجومەنەكانی بزوتنەوەی گۆڕان، بەسەركەوتویی ئەنجامدا... ئێستاش كاتی ئەوە هاتوە ئەزمونێكی هاوشێوە لەناو ئێوەی گۆڕانخوازانی رەوەندی كوردیدا ئەنجام بدرێت، بۆ هەڵبژاردنی بازنەی شارەكان و ئەنجومەنی ئەو وڵاتانەی كە نیشتەجێن تیایاندا، بەوەش ئەڵقەیەكی گرنگی پەیكەرەی رێكخراوەیی بزوتنەوەی گۆڕان پێكدێت، كە لەگەڵ ئەڵقەكانی ناوخۆی هەرێمی كوردستاندا یەكدێتەوە.
داواكارم لە ئێوەی بەڕێز، بەگیانێكی دیموكراتیی بەرزەوە، وێنەیەكی شارستانی بۆ سەرخستنی ئەو ئەزمونە پێشكەش بكەن، پابەندبن بە رێنماییە پەیوەندیدارەكانی پرۆسەی هەڵبژاردنەكەوە.
لەئێستاشەوە دەستخۆشی لە هەمو ئەو بەڕێزانە دەكەم كە بەشداری پرۆسەكە و سەرپەرشتی ئەنجامدانی دەكەن.
بەهیوای سەركەوتن و ئەنجامی باش.
هاوڕێتان
نەوشیروان مستەفا
رێكخەری گشتی بزوتنەوەی گۆڕان
رێنمایی ژمارە (4)، بۆ هەڵبژاردنی ئەندامانی (دەستەی بەڕێوەبەر) ی ئەنجومەنەکانی بزوتنەوەی گۆڕان لە هەندەران
بەشی یەکەم - ئەنجومەنی وڵات
مادەی یەکەم: پێناسەی ئەنجومەنی وڵات
یەکەم، لە هەر وڵاتێکی دەرەوەی کوردستان رەوەندی کوردی لێ نیشتەجێ بێ، ئەشێ (ئەنجومەنی وڵات) ی لێ دابمەزرێنرێ.
دوەم، لە هەمو وڵاتێک دا ئەشێ چەندین (ئەنجومەنی بازنە) هەبێ، بەڵام ئەبێ تەنیا یەک (ئەنجومەنی وڵات) و یەک (دەستەی بەڕێوەبەری ئەنجومەنی وڵات) هەبێ.
سێیەم، ئەنجومەنی وڵات چەتری رێکخراوەیی بزوتنەوەی گۆڕان ئەبێ لەو وڵاتەدا، هەر ئەندامێکیان بە تەنیا و هەمویان بە کۆمەڵ بەرپرسیار ئەبن لە راپەڕاندنی ئەرکە گشتیەکانی بزوتنەوەی گۆڕان و پاراستنی یەکڕیزی و ناوبانگی بزوتنەوەکە لە ناو رەوەندی کوردی سنوری وڵاتەکەیان دا
مادەی دوەم: ئەرکەکانی ئەنجومەنی وڵات
مادەی پێنجەم: دیاریکردنی سنوری بازنە
دوەم، هەمو بازنەیەک ئەشێ هەڵسوڕاوەکانی بە پێی دابەشبونی شارەوانیەکانی ناوچەکەی دابەش بکا بە سەر چەند بنکەیەک دا.
یەکەم، دانانی پلانی ساڵانە بۆ ئەنجامدانی چالاکی رۆشنبیری، کۆمەڵایەتی، هونەری، سیاسی.
دوەم، بەهێزکردنی پەیوەندی نێوان رەوەندی کوردی تاراوگە و خەڵکی کوردستان و دامەزراوەکانی ناو هەرێم
سێیەم، بەشداری چالاکانە لە هەڵبژاردنە گشتیەکانی عێراق و هەرێمی کوردستان دا.
چوارەم، هەوڵدان بۆ گەیاندنی نوێنەری رەوەندی کوردی بە دامەزراوەکانی وڵاتانی خانەخوێ لەوانە: پارلەمان، شارەوانی، رێکخراوەکانی کۆمەڵگای شارستانی، حیزبە سیاسیەکان.
پێنجەم، هاندانی سەرمایەداران و پسپۆڕانی رەوەندی کوردی بۆ کارکردن لە کوردستان لە بواری سەرمایە و زانست و تەکنەلۆجیا و ئامادەکردنی پرۆژەی جۆراوجۆر.
شەشەم، دۆزینەوەی کادری دەوڵەتی شارەزا لە بوارە جیاوازەکانی ژیان دا.
حەوتەم، هەوڵدان بۆ دروستکردنی لۆبی کوردی.
مادەی سێیەم: پێکهاتەی ئەنجومەنی وڵات
ئەنجومەنی وڵات پێکدێ لە:
یەکەم، ئەندامانی دەستەی بەڕێوەبەر.
دوەم، بازنەوانەکانی سەرانسەری وڵاتەکە.
سێیەم، رێکخەری رایەڵەکان (ئەگەر هەبو)
بەشی دوەم: بنکە و ئەنجومەنی بازنە
مادەی چوارەم: پێناسەی بازنه
بنکە یەکەی بنەڕەتیی پێکهێنانی بازنەیە و بازنه یەکەی رێکخراوەیی سەرەکی بزوتنەوەی گۆڕانە بۆ پەیوەندی لە گەڵ رەوەندی کوردی نیشتەجێی شارێ یا چەند شارێ یا ناوچەیەک و کۆڵەکەی سەرەکی پێکهێنانی ئەنجومەنی وڵاتە
مادەی پێنجەم: دیاریکردنی سنوری بازنە
یەکەم، سنوری کاری بازنە بە سنوری جوگرافی دیاری ئەکرێ:
یەکەم – ١: سنوری هەر شارەوانیەک کە ١٥ هەڵسوڕاو یا زیاتری لێ بێ.
یەکەم – ٢: سنوری چەند شارەوانیەکی نزیک لە یەک کە پێکەوە ١٥ هەڵسوڕاو یا زیاتری لێ بێ.
دوەم، هەمو بازنەیەک ئەشێ هەڵسوڕاوەکانی بە پێی دابەشبونی شارەوانیەکانی ناوچەکەی دابەش بکا بە سەر چەند بنکەیەک دا.
دوەم – 1: لە هەر گوند و لە هەر شارەدێ و لە ناوەندی هەر شارێ، ئەگەر چەند هەڵسوڕاوێکی گۆڕانی لێ بێ ئەتوانن پێکەوە بنکەیەک یا چەند بنکەیەک پێک بهێنن.
دوەم - 2: لایەنی کەمی ژمارەی ئەندامانی بنکە ئەبێ سێ هەڵسوڕاو بێ.
دوەم – 3: هەمو بنکەیەک ئەتوانێ چەندین گروپی پشتیوان دابمەزرێنێ.
دوەم – 4: ئەندامانی گروپی پشتیوان و ئەندامانی ئەنجومەنی بنکە ، ئەتوانن بە پێی هەلومەرجی تایبەتی خۆیان ، شێوەی پەیوەندیەکانی نیوانی خۆیان و جۆری کۆبونەوەکانیان ڕێک بخەن.
دوەم – 5: هەمو بنکەیەک بنکەوان و سکرتێر و بەڕێوەبەری کارگێڕی لە ناو خۆیدا بە هەڵبژاردن ، یا بە پێکهاتن ، یا بە تیروپشک دیاری ئەکا
سێیەم، دەستەی بەڕێوەبەر و بنکەوانەکان پێکەوە ئەنجومەنی بازنە پێک ئەهێنن.
چوارەم، هەر وڵاتێ ژمارەی بازنەکانی لە ٣ بازنە کەمتر بو، بەدەر لەم رێنماییە، بە پێی هەلومەرجی تایبەتی وڵاتەکە، رەفتاری تایبەتی لە گەڵ ئەکرێ.
پێنجەم، هه‌مو بازنه‌یه‌ک بۆ ناسینه‌وه و جیاکردنه‌وه‌یان له یه‌کتری ناوێکی تایبه‌ت و ژماره‌یه‌کی تایبه‌ت به خۆی ئه‌بێ. ئه‌شێ به هه‌مان ناوی ئەو شارە یا ئەو ناوچەیەوە بێ کە شوێنی دانیشتنی هەڵسوڕاوەکانە.
شەشەم، هەڵسوڕاوانی سنوری بازنە بۆ راپەڕاندنی کاروباری بازنەکەیان (دەستەی بەڕێوەبەر) هەڵئەبژێرن
مادەی شەشەم: دەستەی بەڕێوەبەری بازنە
دەستەی بەرێوەبەری بازنە پێکدێ لە:
یەکەم، بازنه‌وان،
بەرپرسی یەکەمی دەستەی بەڕێوەبەرە و سەرپەرشتی ئه‌نجومه‌نی بازنه ئه‌کا.
دوەم، سکرتێری بازنه.
بەرپرسە لە تۆمارکردن و پاراستنی لیستی ناوی هه‌ڵسوڕاوانی بزوتنەوەی گۆڕان و پشتیوانەکانی.
بەرپرسە لە رێکخستنی کات و شوێنی کۆبونه‌وه‌ی ئه‌نجومه‌ن و ئاگادارکردنی ئه‌ندامه‌کانی و ئامادەکردنی کۆنوسی کۆبونه‌وه‌کان.
گەیاندنی هەواڵی چالاکی و کۆبونەوە و روداوە گرنگەکانی ناوچەکەیان بە ئەنجومەنی وڵات و ئەگەر پێویستی کرد بە دەزگاکانی راگەیاندنی گۆڕان.
سێیەم، به‌ڕێوه‌به‌ری کارگێڕی.
به‌رپرسه له راگرتنی داهات و خەرجی دارایی بازنە.
بەرپرسە لە دابینکردنی پێویستیه لۆجستیه‌کانی بازنه‌که‌ی و ئامادەکردنی شوێنی کۆبونەوە.
چوارەم، بەڕێوەبەری پەیوەندی گشتی
بەرپرسە لە دروستکردنی پەیوەندی لە گەڵ ئەندامانی رەوەندی کوردی و بەشداری بۆنە کۆمەڵایەتیەکان.
مادەی حەوتەم: ئەرکەکانی بازنه
یەکەم، سازدان و بەشداری لە چالاکی و بۆنە سیاسی و کۆمەڵایەتی و فەرهەنگیەکانی رەوەندی کوردی.
دوەم، بەسەرکردنەوەی هەڵسوڕاوان و پەیداکردنی پشتیوانی نوێی گۆڕان.
سێیەم، کۆکردنەوەی کۆمەکی دارایی بۆ چالاکیەکانی گۆڕان.
چوارەم، ئاگادارکردنی دەستەی بەڕێوەبەری ئەنجومەنی وڵات له هه‌ر روداوێک کە له سنوری بازنه‌که‌یاندا ئه‌قه‌ومێ.
بەشی سێیەم – پێکهاتەی دەستەی بەڕێوەبەری ئەنجومەنی وڵات
مادەی هەشتەم: دابەشکردنی ئەرکەکان
یەکەم، دەستەی بەڕێوەبەر لە نێوان دو کۆبونەوەی ئەنجومەنی وڵات دا بەرپرسە لە جێبەجێکردنی بڕیار و راسپاردە و ئەرکەکانی ئەنجومەن.
دوەم، هەر ئەندامێکی دەستەی بەڕێوەبەری ئەنجومەنی وڵات بە تەنیا و هەمویان بە کۆمەڵ بەرپرسیارن لە راپەڕاندنی ئەرکە گشتیەکانی بزوتنەوەی گۆڕان و پاراستنی یەکڕیزی و ناوبانگی بزوتنەوەکە لە سنوری وڵات دا.
سێیەم، بۆ ئەوەی تێکەڵاوی لە کار و فرمانەکانی ئەندامانی دەستەی بەڕێوەبەری ئەنجومەنی وڵات دا رونەدا و، هیچ کام لەو هاوڕێیانە دەس وەرنەداتە کاروباری ئەوی تریان و، هەر یەکێ لەوان ئەرک و سنوری کارەکانی خۆی بزانێ، پێویستە بە وردی پێڕەوی لە مادەی نۆیەمی ئەم رێنماییە بکرێ
مادەی نۆیەم: پێکهاتەی (دەستەی بەڕێوەبەر) ی ئەنجومەنی وڵات و ئەرکەکانی
دەستەی بەڕێوەبەری ئەنجومەنی وڵات پێکدێ لە ٧ ئەندام:
یەکەم، سەرۆکی ئەنجومەن
یەکەم – ١: به‌رپرسی یه‌که‌می ئەنجومەنی وڵاتە.
یەکەم – ٢: بەرپرسە لە پاراستنی پەیوەندی هاوڕێیەتی و تەبایی و سازان لە نێوان سەرجەم ئەندامانی دەستە و ئەنجومەن و هەڵسوڕاوەکانی بزوتنەوەی گۆڕان لەو وڵاتەدا.
یەکەم – ٣: هاوکاری ئەندامانی دەستەی بەڕێوەبەرە بۆ ئەوەی هەریەکەیان لە سنوری ئەرکەکەی خۆی دا کارەکانی ئەنجام بدا.
یەکەم – ٤: بە هاوئاهەنگی لە گەڵ ژوری هەڵبژاردن بەرپرسە لە بەڕێوەبردنی پرۆسەی هەڵبژاردنە گشتی و راپرسیە گشتیەکانی عیراق و هەرێمی کوردستان.
دوەم، سکرتێری ئەنجومەن
دوەم – ١: به‌رپرسه له دانانی به‌رنامه و دیاریکردنی کات و شوێنی کۆبونه‌وه و تۆمارکردنی بابه‌ته‌کانی ناو کۆبونه‌وه و بڕیار و راسپارده‌کانی و،
دوەم – ٢: هاوئاهه‌نگی نێوان هه‌مو بازنە و رایەڵه‌کانی سنوری وڵاتەکه‌یان.
دوەم – ٣: بە هاوئاهەنگی لە گەڵ ژوری رۆژنامەوانی هەواڵی چالاکیەکانی ئەنجومەنی وڵات و رەوەندی کوردی و روداوە گرنگەکانی وڵات لە دەزگاکانی راگەیاندن و سایتی فەرمی بزوتنەوەدا بڵاو ئەکاتەوە
سێیەم، بەڕێوەبەری لۆجستی.
سێیەم – ١: به‌رپرسه له راپه‌ڕاندنی کاروباری کارگێڕی، دارایی، ژمێریاری.
سێیەم – ٢: بەرپرسە لە کۆکردنەوەی کۆمەکی دارایی بۆ ئەنجامدانی چالاکیەکانی بزوتنەوەکە.
سێیەم – ٣: دابینکردنی پێویستی لۆجستی ئەنجومەن و بازنەکانی و ئامادەکردنی شوێنی کۆڕ و کۆبونەوە و سیمینارەکانیان و، شوێنی بۆنە کۆمەڵایەتی و سیاسی و فەرهەنگیەکان.
چوارەم، بەڕێوەبەری پەیوەندی کۆمەڵایەتی
چوارەم – ١: بەرپرسە لە دروستکردنی پەیوەندی لە گەڵ توێژ و گروپە جیاوازەکانی رەوەندی کوردی و، بەشداری لە خۆشی و ناخۆشیەکانی دا.
چوارەم – ٢: بەرپرسە لە سازکردن یا بەشداری ئاهەنگ و بۆنە نەتەوەیی و نیشتمانیەکانی کوردستانیانی وڵات.
چوارەم – ٣: بەرپرسە لە پەیوەندی لە گەڵ حیزب و رێکخراو و ناوەندە کوردستانیەکان.
چوارەم – ٤: بە هاوئاهەنگی لە گەڵ ژوری پەیوەندی نیشتمانی، لە کۆنگرە و کۆبونەوەی حیزبە سیاسیە کوردستانیەکانی وڵاتەکەدا نوێنەرایەتی بزوتنەوەی گۆڕان ئەکا.
پێنجەم، بەڕێوەبەری پەیوەندی گشتی
پێنجەم – ١: به‌رپرسه له په‌یوه‌ندی له گه‌ڵ: وەزارەتی دەرەوەی وڵاتی خانەخوێ و، حیزبە سیاسیەکانی و ئەندامانی پارلەمان و رێکخراوەکانی کۆمەڵی شارستانی، دەزگاکانی راگەیاندن.
پێنجەم – ٢: بە هاوئاهەنگی لە گەڵ ژوری پەیوەندی دیپلۆماسی، لە کۆنگرە و کۆبونەوەی حیزبە سیاسیەکانی وڵاتەکەدا نوێنەرایەتی بزوتنەوەی گۆڕان ئەکا.
پێنجەم – ٣: بەڕێوەبەری پەیوەندی گشتی ئەبێ زمانی وڵاتەکە بە چاکی بزانێ.
شەشەم، رێکخەری رایەڵەی لێهاتوان.
شەشەم – ١: دۆزینەوە و دامەزراندنی پەیوەندی لە گەڵ کەسایەتیە هەڵکەوتوە کوردستانیەکانی بوارەکانی زانست و تەکنۆلۆجیا هەروەها مامۆستایانی زانکۆ، پزیشک، ئەندازیار، یاسایی، بەڕێوەبەرانی کارگێڕی، هونەرمەند و وەرزشکار، بازرگان...
شەشەم – ٢: دۆزینەوە و دامەزراندنی پەیوەندی لە گەڵ لێهاتوانی تازەپێگەیشتوی نەوەی دوەمی رەوەندی کوردی.
شەشەم – ٣: رێکخەری رایەڵەی لێهاتوان ئەبێ خۆی خاوەنی بڕوانایەکی ئاکادیمی بێ.
حەوتەم، نوێنەری ئافرەتان
حەوتەم– ١: بە دواداچونی پرسی ئافرەتی کوردستانی لەو وڵاتەدا.
حەوتەم– ٢: هەوڵدان بۆ دۆزینەوە و پێگەیاندنی هەڵسوڕاوی نوێی چالاکی بواری ئافرەتان لە ناو کابان و فەرمانبەران، کارمەندان، خوێندکاران دا.
حەوتەم – ٣: دامەزراندنی تۆڕی پەیوەندی لە گەڵ ئافرەتانی هەڵسوڕاوی رێکنەخراوی گۆڕان و، ئافرەتانێ کە ناخوازن کاری رێکخراوەیی بکەن.
حەوتەم – ٤: دامەزراندنی پەیوەندی لە گەڵ رێکخراوەکانی کۆمەڵگای شارستانی تایبەت بە ژنان و رێکخراوەکان ئافرەتانی سەر بە لایەنە سیاسیەکان.
بەشی چوارەم – رەوتی هەڵبژاردن
مادەی دەیەم: رێکخستنی تۆماری دەنگدەران
یەکەم، ژوری رەوەندی کوردی بە هاوکاری لە گەڵ ئەنجومەن و بازنەکانی هەندەران بەرپرسە لە رێکخستنی تۆماری دەنگدەرانی هەر بازنەیەک بە جیا و هەر وڵاتێک بە جیا.
دوەم، تەنیا ئەوهەڵسوڕاوانەی ناویان لە تۆماری دەنگدەران دا نوسراوە لە پرۆسەی ئەم هەڵبژاردنەدا مافی دەنگدانیان هەیە.
سێیەم، ئەو هەڵسوڕاوانەی لەم قۆناغەی هەڵبژاردن دا ناویان لە تۆماری دەنگدەران دا ئەنوسرێ بریتین لە:
سێیەم – ١: ئەندامانی دەستەی بەڕێوەبەری بازنەکانی ئیستا.
سێیەم – ٢: ئەندامانی ئەنجومەنی بازنەکان.
سێیەم – ٣: هەڵسوڕاوانی بنکەکان (ئەگەر هەبو)
چوارەم، هەمو هەڵسوڕاوێکی بزوتنەوەی گۆڕان لە هەر ئاستێکی رێکخراوەیی دا بێ، ئەگەر ناوی لە تۆماری دەنگدەران دا نوسرا بێ و، مەرجەکانی تێدا بێ، بۆی هەیە بەشداری لە هەڵبژاردن دا بکا، هەروەها خۆی کاندید بکا بۆ هەر یەکێ لە ئەرکەکانی ئەندامەتی دەستەی بەڕێوەبەری (بازنە/ ئەنجومەنی وڵات).
پێنجەم، هەڵسوڕاوی نارێکخراو ئەتوانێ ناوی خۆی لە تۆماری دەنگدەران دا تۆمار بکا و خۆی کاندید بکا بۆ هەر یەکێ لە پۆستەکانی دەستەی بەڕێوەبەری (بازنە/ ئەنجومەنی وڵات) ئەگەر مەرجەکانی تێدا بێ.
مادەی یانزەیەم: شێوەی دەنگدان
یەکەم، هەڵبژاردن لە هەمو قۆناغەکانی دا بە دەنگدانی نهێنی و راستەوخۆ و ئەلکترۆنی ئەبێ و ژوری هەڵبژاردن بەرپرسە لە رێکخستنی قۆناغەکانی پرۆسەی هەڵبژاردن.
دوەم، بۆ ئەوەی رێگە بە دەنگدەر بدرێ لە پرۆسەی دەنگدان دا بەشداری بکا هەمو دەنگدەرێ پاسکۆدی تایبەت بە خۆی ئەبێ.
سێیەم، لە حاڵەتی هاوتابونی دەنگەکانی دوکاندیدا، ئەگەر یەکێکیان ئافرەت بو ئافرەتەکە بە دەرچو دائەنرێ و ئەگەر هەردوکیان پیاو بون بە پێکهاتنی هەردو کاندید یا بە تیروپشک یەکلایی ئەکرێتەوە.
چوارەم ، هەڵبژاردنی دەستەی بەڕێوەبەری ئەنجومەنی وڵات بە دو قۆناغ ئەنجام ئەدرێ:
قۆناغی یەکەم، هەڵبژاردنی دەستەی بەڕێوەبەری بازنەکان.
قۆناغی دوەم، هەڵبژاردنی دەستەی بەڕێوەبەری ئەنجومەنی وڵات.
مادەی دوانزەیەم: هەڵبژاردنی دەستەی بەڕێوەبەری بازنە
یەکەم، دەستەی بەڕێوەبەری ئەنجومەنی بازنە لە لایەن هەڵسوڕاوانی بزوتنەوەی گۆڕانەوە، کە ناویان لە تۆماری دەنگدەرانی ئەو بازنەیەدا نوسراوە، هەڵئەبژێردرێن.
دوەم، پاش ئەنجامدانی هەڵبژاردن چوار کەسی یەکەم لە ریزبەندی هەڵبژێردراوەکان دا ئەبنە دەستەی بەڕێوەبەر.
مادەی سیانزەیەم: هەڵبژاردنی دەستەی بەڕێوەبەری ئەنجومەنی وڵات
یەکەم، هەمو ئەندامانی ئەنجومەنی بازنەکان و هەڵسوڕاوانی بزوتنەوەی گۆڕان لە سنوری وڵاتەکەدا، ئەگەر مەرجەکانیان تێدا بێ، بۆیان هەیە خۆیان بۆ ئەندامەتی دەستەی بەڕێوەبەری وڵات کاندید بکەن.
دوەم، خۆکاندیدکردن بۆ پۆستەکانی دەستەی بەڕێوەبەری ئەنجومەنی وڵات بە تەنها ئەبێ و، هەریەکەیان بە تەنیا و، بە دیاریکراوی بۆ یەکێ لە پۆستەکانی دەستەی بەڕێوەبەر خۆی کاندید ئەکا.
سێیەم، هەڵبژاردنی سەرۆک و دەستەی بەڕێوەبەری وڵات لە لایەن سەرجەم ئەندامانی دەستەی بەڕێوەبەری بازنەکانی سەرانسەری وڵاتەکەوە ئەنجام ئەدرێ.
بەشی پێنجەم – رێکخستنی کۆبونەوەکان
مادەی چواردەیەم: کۆبونەوەی نۆرەیی
یەکەم، کۆبونەوەی بازنە
یەکەم – ١: دەستەی بەڕێوەبەری ئەنجومەنی بازنە بۆ راپەڕاندنی کاروبارەکانی لایەنی کەم مانگی یەکجار یا هەر کاتێکی بە پێویست زانی کۆ ئه‌بێته‌وه.
یەکەم – ٢: ئەنجومەنی بازنە بۆ دانانی بەرنامەی کاری داهاتوی و هەڵسەنگاندنی رادەی ئەنجامدانی کارەکانی ماوەی پێشوی لایەنی کەم هەر ٣ مانگ جارێ کۆئەبێتەوە.
یەکەم – ٣: هەر کات دەستەی بەڕێوەبەر یا سێیەکی ئەندامانی ئەنجومەنی بازنە بە پێویستیان زانی بۆ تاووتوێکردنی پرسێکی گرنگ بۆیان هەیە داوای کۆبونەوەی ئەنجومەن یا کۆبونەوەی گشتی سەرجەم هەڵسوڕاوانی بازنەکەیان بکەن.
دوەم، کۆبونەوەی وڵات
دوەم – ١: دەستەی بەڕێوەبەری ئەنجومەنی وڵات بۆ راپەڕاندنی کاروبارەکانی لایەنی کەم مانگی جارێ یا هەر کاتێکی بە پێویستی زانی کۆ ئه‌بێته‌وه.
دوەم – ٢: ئەنجومەنی وڵات بۆ دانانی بەرنامەی کاری داهاتوی و هەڵسەنگاندنی رادەی ئەنجامدانی کارەکانی ماوەی پێشوی لایەنی کەم هەر ٣ مانگ جارێ کۆئەبێتەوە.
دوەم – ٣: هەر کات دەستەی بەڕێوەبەر یا سێیەکی ئەندامانی ئەنجومەنی وڵات بۆ تاووتوێکردنی پرسێکی گرنگ بە پێویستیان زانی بۆیان هەیە داوای کۆبونەوەی گشتی سەرجەم هەڵسوڕاوەکانی وڵاتەکەیان بکەن.
سێیەم، بازنه‌وان، لە کۆبونەوەکانی ئەنجومەنی وڵات دا نوێنه‌رایه‌تی بازنه‌که‌ی ئه‌کا. ئەشێ لە بری بازنەوان هەر ئەندامێکی تری دەستەی بەڕێوەبەر (یا ئەنجومەن) بەشدار بێ.
چوارەم، لە کۆبونەوەکانی دەستەی بەڕێوەبەر و ئەنجومەنەکان دا کار بە سەرەتای "سەرکردایەتی بە کۆمەڵ" ئەکرێ و، بڕیارەکان بە پێی سەرەتای "زۆرایەتی رەها" ئەدرێ.
مادەی پانزەیەم: کۆبونەوەی فراوان
یەکەم، دەستەی بەڕێوەبەری وڵات لە یەکێ لەو حاڵەتانەدا، کە لە خوارەوە دیاری کراون، ئەگەر بە پێویستی زانی، یان لە سەر داوای سێیەکی دەستەی بەڕێوەبەری بازنەکانی، بۆی هەیە داوای کۆبونەوەی فراوان، کۆنفرەنس، راپرسی، بکا لە سەر یەکێ لەم ئاستانە:
یەکەم – ١: ئاستی سەرجەم دەستەی بەڕێوەبەری بازنەکانی وڵاتەکەی.
یەکەم – ٢: ئاستی سەرجەم ئەندامانی ئەنجومەنی بازنەکانی وڵاتەکەی.
یەکەم – ٣: ئاستی سەرجەم هەڵسوڕاوانی گۆڕان لە وڵاتەکەی دا.
یەکەم – ٤: ئاستی تێکڕای جەماوەی رەوەندی کوردی.
دوەم، حاڵەتەکان، بۆ یەکێ لەم کارانە:
دوەم – ١: سازدانی رەوەندی کوردی بۆ بەشداری لە هەڵبژاردنی وڵاتەکەی خۆیان دا بۆ دەنگدان بە کاندیدێکی کوردستانی بۆ شارەوانی، پارلەمانی وڵات، پارلەمانی ئەوروپی.
دوەم – ٢: سازدانی رەوەندی کوردی بۆ بەشداری لە هەڵبژاردنەکانی کوردستان و پشتیوانی لە لیستی گۆڕان.
دوەم – ٣: سازدانی رەوەندی کوردی بۆ پشتیوانی لە خەباتی خەڵکی کوردستان لە پێناوی خواستە سیاسی، کۆمەڵایەتی، ئابوری.. یەکانی.
مادەی شانزەیەم: رەوتی کۆبونەوەکان
یەکەم، نەریتی سیاسی لە ناو بزوتنەوەی گۆڕان دا، وا پێویست ئەکا لە کۆبونەوەکان دا دەربڕینی بیروبۆچون و گفتوگۆ، هەرچۆنێ بێ، ئازاد بێ، بەڵام بریندارکەر نەبێ، گوێ لە یەکتری بگرن، رێگە بە یەکتری بدەن بە راشکاوی قسەکانی خۆیان بکەن، رێز لە بیر و رای جیاوازی یەکتری بگرن، بەڵام ئەبێ پارێزگاری لە تایبەتمەندی و نهێنیبونی هەندێ باس و بابەت و رەئی بکەن.
دوەم، هەر ئەندامێ بە پێچەوانەی ئەمەوە رەفتاری کرد لێپرسینەوەی لە گەڵ ئەکرێ.
بەشی شەشەم – رێگاکانی پەیوەندی
مادەی حەفتدەیەم: رێکخستنی پەیوەندیەکان
یەکەم، ئەنجومەنی بازنە و ئەنجومەنی وڵات
یەکەم – ١: هەمو بازنەوانەکان ئەندام ئەبن لە ئەنجومەنی وڵات دا.
یەکەم – ٢: دەستەی بەڕێوەبەری ئەنجومەنی بازنە پەیوەندی لە گەڵ دەستەی بەڕێوەبەری ئەنجومەنی وڵات ئەبێ.
دوەم، ئەنجومەنی وڵات و ئەنجومەنی وڵاتەکانی تر
دوەم – ١: ئەنجومەنی وڵات بۆی هەیە لە گەڵ ئەنجومەنی وڵاتەکانی تر هاوئاهەنگی و هاوکاری، کاری هاوبەش بکەن.
دوەم – ٢: ئەنجومەنی ئەو وڵاتانەی نزیکن لە یەکتری ئەگەر بە پێویستیان زانی بۆیان هەیە بۆ دانانی پلانی کاری هاوبەش کۆبونەوە یا کۆنفرەنسی هاوبەش ببەستن.
سێیەم، ئەنجومەنی وڵات و دامەزراوەکانی گۆڕان لە کوردستان
سێیەم – ١: دەستەی بەڕێوەبەری ئەنجومەنی وڵات پەیوەندیەکانی لە گەڵ دامەزراوەکانی گۆڕان لە کوردستان لە رێگەی ژوری رەوەندی کوردیەوە رێک ئەخات.
سێیەم – ٢: ژوری رەوەندی کوردی، پەیوەندیەکانی دامەزراوەکانی گۆڕان لە کوردستان لە گەڵ دەستەی بەڕێوەبەری ئەنجومەنەکانی هەندەران رێک ئەخات.
سێیەم – ٣: دەستەی بەڕێوەبەری ئەنجومەنی وڵات، بۆ هەر بابەتێکی پەیوەندیدار بە خۆی، ئەتوانێ هاوئاهەنگی و راوێژ لە گەڵ ژورەکانی بزوتنەوەی گۆڕان بکا.
بەشی حەوتەم - بابەتی گشتی
مادەی هەشتدەیەم: راگەیاندنی رۆژنامەوانی
یەکەم، دەستەی بەڕێوەبەری ئەنجومەنی بازنە پاش راوێژ (بە ئەنجومەنی وڵاتەکەی) بۆی هەیە لە کاتی پێویست دا رونکردنەوە لە سەر هەندێ پرسی پەیوەندیدار بە ناوچەکەیانەوە بدا.
دوەم، دەستەی بەڕێوەبەری ئەنجومەنی وڵات پاش راوێژ (بە ژوری رەوەندی کوردی) بۆی هەیە لە کاتی پێویست دا رونکردنەوە لە سەر هەندێ پرسی پەیوەندیدار بە وڵاتەکەیانەوە بدا.
مادەی نۆزدەیەم: دوان لە بۆنە گشتیەکان دا
سەرۆک، یان هەر ئەندامێکی دەستەی بەڕێوەبەر (ئەنجومەنی بازنە/ ئەنجومەنی وڵات) کە لە لەلایەن دەستەکەوە راسپێردرا بێ، بۆی هەیە لە بۆنە گشتیەکان دا، لە چوارچێوەی بەرنامەی سیاسی بزوتنەوەی گۆڕان و پەیام و هەڵوێست و لێدوانە فەرمیەکانی، بەنوسراو یان بە زارەکی، هەڵوێست و ئامانجەکانی بزوتنەوەی گۆڕان لە کۆبونەوە گشتیەکانی کوردستانیان هەندەران دا رون بکاتەوە.
مادەی بیستەم: ڕێکەوتنی سیاسی
دەستەی بەڕێوەبەری (ئەنجومەنی بازنە/ ئەنجومەنی وڵات) بۆی نیە رێککەوتنی سیاسی و یاداشتی هاوبەش لە گەڵ هیچ لایەنێکی سیاسی دا ئیمزا بکا.
مادەی بیستویەکەم: جێگرتنەوە
ئەگەر سەرۆکی (ئەنجومەن/ بازنەوان) یا ئەندامێکی هەڵبژێردراوی دەستەی بەڕێوەبەری (ئەنجومەنی بازنە/ ئەنجومەنی وڵات) لە بەر هەر هۆیەک ئەرکەکانی بە جێ نەهێنا بە یەکێ لەم دو رێگایە شوێنەکەی پڕ ئەکرێتەوە:
یەکەم، بە دانانی ئەو کاندیدەی کە لە هەڵبژاردن دا دوای ئەو زۆرترین دەنگی هێناوە،
دوەم، ئەگەر ئەوە لە لایەن زۆرایەتی ئەندامانی ئەنجومەنی (بازنە/ وڵات) ەوە نەپەسەندێنرا ئەوسا دوبارەکردنەوەی هەڵبژاردن بە هەمان رێوشوێنی کە لە سەرەوە باس کراوە ئەنجام ئەدرێ.
مادەی بیستودوەم: ماوەی کارایی
ماوەی کارکردنی دەستەی بەڕێوەبەری نوێ ئەوپەڕی دوانزە مانگ ئەبێ و، هەڵبژاردنی داهاتوی دەستەی بەڕێوەبەر دوای دوانزە مانگ دوبارە ئەبێتەوە.
maanantai 15. lokakuuta 2012
هه‌ڵبژاردنی ئه‌نجومه‌نی شاره‌وانیه‌کان له فینله‌ندا و چه‌ند زانیاریه‌ك
بڕیاره ڕۆژی یه‌کشه‌ممه 28.10.2012 پڕۆسه‌ی هه‌ڵبژاردنی شاره‌وانیه‌كان له وڵاتی فینله‌ندا ئه‌نجامبدرێت، به‌و مه‌به‌سته‌ش هه‌ڵمه‌تی بانگه‌شه‌کردنی هه‌ڵبژاردنه‌کان ده‌ستی پێکردووه تیایدا چه‌ندین حیزب و قه‌واره‌ی سیاسی جۆراوجۆر كێبڕكێان له سه‌ر بردنه‌وه‌ی زۆرینه‌ی ده‌نگه‌كانیانه، هاوکات ژماره‌یه‌کی به‌رچاوی کوردستانیانی دانیشتوی وڵاتی فینله‌ندا له زۆربه‌ی شارو شارۆچکه‌کانه‌وه کاندیدی هەڵبژاردنه‌کانن و به‌شداری به‌رچاویان له پرۆسه‌کەدا هه‌یه.
له فینله‌ندا نوێنه‌رانی ئه‌نجومه‌نی شاره‌وانیه‌کان هاوشێوه‌ی هه‌ڵبژاردنه‌کانی په‌رله‌مانی ئه‌و وڵاته له نێوان چوار ساڵ جارێك له لایه‌ن گه‌له‌وه له هه‌ڵبژاردنێکی ئازاددا هه‌ڵده‌بژێردرێت
به پێی ده‌ستور گه‌ل خاوه‌نی ده‌سه‌ڵات وبڕیاردانه، هه‌مو هاوڵاتیه‌کی ته‌مه‌ن سه‌روی 18 ساڵ مافی ده‌نگدان وخۆ کاندید کردنی هه‌یه، هاوکات هاوڵاتیانی خاوه‌ن ڕه‌گه‌زنامی بیانیش به چه‌ند مه‌رجێکی دیاری کراو مافی ده‌نگدان و خۆپاڵاوتنیان هه‌یه
فینله‌ندا وڵاتێکی کۆماری و په‌رله‌مانیه و حکومه‌تێکی ناوه‌ندی هه‌یه وبنکه‌که‌ی له شاری هێلسینکی پایته‌خته، ڕێژه‌ی دانیشتوانه‌که‌ی نزیکه‌ی 5.4 ملیۆن که‌س ده‌بێت، هه‌شته‌مین وڵاتی ئه‌وروپایه به گه‌وره‌یی ڕووبه‌ره وکه‌مترتن وڵاتی ئه‌وروپایه سه‌باره‌ت به ڕێژه‌ی دانیشتوانه‌که‌ی.
ئه‌م وڵاته دابه‌ش کراوه‌ته سه‌ر 336 ئه‌نجومه‌نی ناوچه‌یی بۆ سه‌رجه‌م شار و شارۆچکه‌کان، هه‌ر یه‌ك له‌وانه‌ش به پێی ده‌ستور سه‌ربه‌خۆیی ئیداریی خۆیان هه‌یه، ئه‌رکو به‌رپرسیاره‌تی له کاره‌کانی کارگێڕی خۆجێیه‌تی شاره‌وانیه‌کان به شێوه‌یه‌کی گشتی بریتین له ڕێکخستن و دابین کردنی خزمه‌تگوزاریه گشتیه‌کانی وه‌ك یارمه‌تی کۆمه‌ڵایه‌تی و ته‌ندروستی و په‌روه‌رده و...هتد، ئه‌نجومه‌نی شاره‌وانیه‌کان مافی کۆکردنه‌وه‌ی باج و مافی بڕیاردانیان له سه‌ر گۆڕین و ناولێنان له قه‌زا وناحیه و شار وپارێزگاکانیش هه‌یه.
حکومه‌ته ناوچه‌یه ئیداریه‌کانی ده‌وڵه‌ت نوێنه‌رایه‌تی هێزی کرێکار و ناوه‌ندی بوژاندنه‌وه‌وه‌ن.
خستنه سه‌رکاری هاوڵاتی وبوژاندنه‌وه‌ی ئابوری، له به‌شه‌کانی به‌ڕێوبه‌رایه‌تی نوسینگه‌ی هێزی کاری شاره‌وانیکاندا به‌ڕێوه ده‌چن ، پاشان ئه‌م هه‌ماهه‌نگی کردنه ده‌چێته پاڵ وه‌زاره‌تی کار له به‌شی پڕۆژه‌کان و گه‌شه‌پێدانی ئابوری و بۆ هه‌ندێ
مه‌به‌ست وبواری تریش ده‌چێته پاڵ وه‌زاره‌تی پیشه‌سازی و ئابوری و وه‌زاره‌تی کشتوکاڵ وئه‌وانی تر
به‌ڕێوبردنی کاروباره‌کانی شاره‌وانی له لایه‌ن یاسای ناوچه‌یی وشاره‌وانیه‌کان ده‌ستنیشان ده‌کرێت. ئه‌نجومنی شاره‌وانیه‌کان مافی کاری هاوبه‌شیان هه‌یه و هه‌ره‌وه‌زیان له نێوان ناوچه‌ی ده‌وروبه‌ری خۆیان وه یان هه‌رێمه‌کان هه‌یه
ده‌سه‌ڵات له شاره‌وانیه‌کان له لایه‌ن خودی ئه‌نجومه‌نی شاره‌وانیه‌کانه‌وه‌یه، ئه‌و ده‌سه‌ڵاتانه له لایه‌ن جێبه‌جێکاری ئه‌نجومه‌نی شاره‌وانیه‌کان و پشکه‌شکاران وسه‌رۆکی شاره‌وانیه‌کانیه، خاوه‌نی ده‌سه‌ڵاتی دادوه‌ری ناوچه‌یی تایبه‌ت به خۆیان نیه، به‌ڵام له لایه‌ن دادگا گشتیه ناوچه‌یه حکومیه‌کانه‌وه به‌ڕێوه ده‌چێت
له ساڵی 1997 وڵاتی فینله‌ندا دابه‌ش کرایه سه‌ر 20 پارێزگای هاوشێوه‌ی هه‌رێمایه‌تی سه‌ربه‌خۆ. به‌شێکی ئه‌و پارێزگایانه له سه‌ر بنچینه‌ی مێژووییه‌وه پێکهاتون و ناوی جیاوازیان لێ نراوه، پارێزگاکان کارو ڕێبه‌رایه‌تی کردنیان به شێوه‌یه‌کی گشتی سه‌ربه‌خۆیه و له ده‌وڵه‌ت دابڕاون
هه‌روه‌ها له ڕوی ئیداریشه‌وه وڵاتی فینله‌ندا دابه‌ش کراوه‌ته سه‌ر 6 نوسینگه‌ی هه‌رێمی جیاواز.
جگه له‌م شه‌ش هه‌رێمه‌ش به‌ته‌نیشتیانه‌وه هه‌رێمی (ئۆلاند- ئه‌هڤێنانما)یه که هه‌رێمێکی سه‌ربه‌خۆیه
له گه‌ڵیاندا هه‌ژمارد کراوه‌ته سه‌ر 7 هه‌رێم به‌م شێوه‌یه:
1-نوسینگه‌ی هه‌رێمی خواروی فینله‌ندا. 2- نوسینگه‌ی هه‌رێمی ڕۆژهه‌ڵاتی فینله‌ندا. 3- نوسینگه‌ی هه‌رێمی لاپلاند. 4- نوسینگه‌ی هه‌رێمی خوارو و ڕۆژئاوای فینله‌ندا. 5- نوسینگه‌ی هه‌رێمی ڕۆژئاواو ناوه‌ڕاستی فینله‌ندا. 6- نوسینگه‌ی هه‌رێمی باکوری فینله‌ندا. 7- نوسینگه‌ی هه‌رێمی له (ئۆلاند- ئه‌هڤێنانما) .
سه‌باح عه‌باس/ فینکورد سۆسایه‌تی
maanantai 6. helmikuuta 2012
سه‌رۆك کۆماری نوێ فینله‌ندا هه‌ڵبژێردرا
دوێنێ یه‌کشه‌ممه 2012/2/5 له ئه‌نجامی قۆناغی دووه‌می هه‌ڵبژاردنه‌کانی سه‌رۆك کۆماری نوێ له وڵاتی فینله‌ندا به ڕێوه‌چو به ڕێژه‌ی 68.9% ده‌نگه‌کان کۆتایی پێهات، پارتی هاوپه‌یمانی نیشتیمانی (ساوڵی نیینیستۆ) توانی به رێژه‌ی 62.6% ده‌نگه‌کان بۆخۆی ده‌سته‌به‌ر بکا وبه‌رامبه‌ر به کاندیدێکی پارتی سه‌وز ( پێکا هاڤیستۆ) که به ڕێژه‌ی 37.4% ده‌نگه‌کانی به‌ده‌ست هێنا
هه‌ڵبژاردنی سه‌رۆك کۆماری فینله‌ندا به دوو قۆناغ به ڕێوه‌چو، له قۆناغی یه‌که‌مدا هه‌ردو پاڵێوراو (ساوڵی نیینیستۆ و پێکا هاڤیستۆ) که زۆرینه‌ی ده‌نگه‌کانیان به ده‌ست هێنا بۆ قۆناغی کۆتایی سه‌رکه‌وتن
بۆ ماوه‌ی 6 ساڵی تر هه‌ڵبژاردنی دوانزه‌مین سه‌رۆك کۆماری فینله‌ندا (ساوڵی نیینیستۆ) ی سه‌ر به (پارتی هاوپه‌یمانی نیشتیمانی- کۆکۆموس) له سه‌ر ئاستی نێوده‌وڵه‌تی، بڕیاره به‌رپرسیاریه‌تی و ده‌سه‌ڵاتی له پێناو زیاتر به‌شداری وڵاته‌که‌ی بۆ پارێزگاری کردن له ئاشتی وسه‌قامگیری و کۆنترۆڵ کردنی قه‌یران وبه‌گژاچونه‌وه‌ی تاوان ده‌رحه‌ق به مرۆڤایه‌تی وپارێزگاری کردن له مافه‌کانی مرۆڤ بێت
له‌سه‌ر ئاستی یه‌کێتی ئه‌وروپا، چاودێری کردنی زیاتری ناوچه‌ی دراوی ئێورۆ و دۆزینه‌وه‌ی ڕێگاچاره‌ی تری گونجاو بۆ چاره‌سه‌رکردنی قه‌یران کێشه ئابوریه‌کان
له ناوخۆشدا، هه‌وڵدانی زیاتر بۆ گه‌شه‌کردن و پێشه‌وه‌چونی باری ئابوری وڵات و که‌م کردنه‌وه‌ی ڕێژه‌ی بێکاری
و باشکردنی پێگه‌ی که‌مه‌نه‌ته‌وه‌کان
وڵاتی فینله‌ندا ناسراوه به وڵاتێکی دیموکرات ونوێنه‌رایه‌تی کردن به سیسته‌مێکی په‌رله‌مانی ونیو سه‌رۆکایه‌تی وفره حیزبی، به‌پێی ده‌ستور سه‌رۆک کۆماری فینله‌ندا پایه بڵند وبه‌رپرسیاره له سیاسه‌تی ده‌ره‌وه (جگه له کاروباری یه‌کێتی ئه‌وروپا) که ئه‌م به‌رپرسیاره‌تیه به هاوکاری ئه‌نجومه‌نی وه‌زیران به‌ڕێوه ده‌چێت
ئه‌و هێزو ده‌سه‌ڵاتانه‌ی که ده‌که‌وێته ده‌ستی سه‌رۆك کۆمار ئه‌وه‌یه (سه‌رکردایه‌تی گشتی هێزه چه‌کداره‌کان وده‌رکردنی مه‌راسیم ودامه‌زراندنی به‌رپرسه باڵاکانی وه‌ك دادوه‌رانی دادگاکانی باڵا)، سه‌رۆك کۆماری فینله‌ندا بۆ ماوه‌ی شه‌ش ساڵ ڕاسته‌وخۆ له هه‌ڵبژاردنی تیابه‌ت له لایه‌ن گه‌له‌وه هه‌ڵده‌بژێردرێت
Tilaa:
Blogitekstit (Atom)
